What about Today ~


 

 

 

أهلاً جميعًا ..

كيف الحال والأحوال ..

حمااااااااااااس اليوم ربووووووع ..

الحمد لله كان هذا الأسبوع مره حلو ، لأنو خلاص اتعودت ع الوضع

اتعرفت على بنات مرة يا ناس –ما شاء الله  كلهم نفس مستوى

بنات الذكر الحمد لله .. (عقبال ما آخذ أرقام جوالاتهم) << مع نفسي J

المهم ،،

اليوم كان مرررررررة فله لأنو ما أخذنا غير محاضرة أحياء ، و بعدين راحت

دانية و روزانا يتوسلوا لأبله الانجليزي “ثمينة” الهندية عشان ما نآخذ

شيء بحجة انو عميدة شؤون الطالبات تبغانا في المسرح ضروري ..

وطبعُا الأخت صدقت .. وإحنا كلنا صرخنا وانطلقنا ..

قررت أروح البنك مع أنفال وريم ، وفي الطريق شفت أحلام << من جد

وحشتني موووت

فحولنا طريقنا للكفتيريا تبع الاقتصاد ، وعاد زحمة مو طبيعية وعلى بال

ما اشتريت بقي بس 10 دقايق وتبدأ محاضرة الإحصاء ، فاضطريت إني

أبلع الدونات بلع وما حسيت بأي نكهة ولا أي طعم “والله كنت مستنيه

يوم المخالفة علشان آكلها” ..

وبعدها صرت أنا وريم نجري ونجري ونجري و بالتنورة لايفوتكم ، وفي الأخير

رفعت التنورة و ما همّني أحد ، ومن بعيد أشوف وحده قاعدة تطالع فيّ و

تضحك طنشتها طبعًا لأني ما ني فايقة لها .. وحزروا تطلع أسووووله ، المشكلة

منظري كان “حونشي” ع الآخر ..

ولسه الإحصاء في الدور الثالث يعني موووووت ، وبس وصلت رميت كل شي ء

ع الأرض ، ولقيت البنات دوووبهم داخلين وآخرتها الأخت لميسو تتأخر 10 دقائق

 << مررررة ينرفز

أما بعد الاحصاء ما أحد جانا فكل وحده راحت بيتها …

و عاد الجو كان لا يُعلى عليه ، كان هوا يحمس ^.^ ..

 

حقيقة حابه أقولكم عن شيء صرت أفكر فيه في الفترة الأخير “بس ما تقولوا لأحد

من يوم دخلت الجامعة صرت أشوف بنات كثير يلبسوا البالطو الأبيض

حسيت منظرو حماس وصرت أفكر اني أدخل طب .. لكن حتى الآن الموضوع

تحت التفكير ..

عارفين كمان أفكر أكتب كتاب أسمية [أولى جامعة] أكتب فيه معاناتي الجامعية

اليومية ، أيضًا جاري التفكير ..

 

عطلة أسبوع سعيدة ودعواتكمA+  ما أوصيكم ~

 

 

ع البال : { أشتاق بعمّق لـ صوت المطر ~

Advertisements

3 تعليقات to “What about Today ~”

  1. آلاء.. Says:

    إممم..
    لا تخلي “البالطو الأبيض” ((بس)) هوا إللي يخدعك!
    فكري بعمممق واسألي ناس في الطب، فكري إذا كنتي تبغي الطب “من جد” عشانوا الطب مو عشان بريستيج البالطو..

    ربنا يوفئك وينولك إللي إنتي عاوزاه يارب! 😀

  2. shiwase Says:

    بالتأكيد لن أجعل من المظاهر هدف لي .. ^^
    لكن ،، كان ذلك مجرد احساس

    “آمييييين ”
    :”)

  3. Kaki-chan Says:

    هههههههههههههه
    عجبتني قصتك هذه عشت الاحداث معج
    ^^

يسعدني ردك :)

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: